ღვინის ფესტივალი წარმატებული რთველის ჩატარების ზეიმია - ლევან დავითშვილი

საქართველო, თბილისი - 14:51 | 13.10.2018 ნანახია: 222

ქართული ღვინის ფესტივალი 2018" გარემოს დაცვის და სოფლის მეურნეობის მინისტრმა ლევან დავითაშვილმა გახსნა. ფესტივალი შარდენზე, სიონის ქუჩაზე მიმდინარეობს.

როგორც ლევან დავითაშვილმა აღნიშნა, თბილისში ღვინობისთვეს ღვინის ფესტივალის ჩატარება უკვე ტრადიციად იქცა.  „ღვინობისთვის ფარგლებში საქართველოში სხვადასხვა ღონისძიება იმართება. თავიდან ღვინის დღით დავიწყეთ და დიდი დაინტერესების შედეგად უკვე ღვინის თვეს ავღნიშნავთ, რომელიც სხვდასხვა ღონისძიებას მოიცავს, როგორც თბილისში, ისე საქართველოს სხვდასხვა კუთხეში. ეს არის   წარმატებული რთველის დამთავრების აღნიშვნა, რთველი, რომელიც წელს ფერმერებისთვის რეკორდული მოსავლითა და შემოსავლით ჩატარდა.  ეს არის ზეიმი. ქართული ღვინის პოპულარიზაცია ძალიან მნიშვნელოვანია ჩვენი ქვეყნისთვის, რასაც მუდმივად ვახორციელებთ“ - განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

ღვინის დეგუსტაციასთან  და გამოფენა-გაყიდვასთან ერთად, ფესტივალზე სხვადასხვა სახის პროდუქცია იქნება წარმოდგენილი: ყველი, ჩურჩხელა, ჩირი, თაფლი და ქართული აქსესუარები.




არქივი

მოგვძებნე Facebook-ზე